FIORES E ISPINAS

Inghiriadu è ispinas,
in una die è lentore
pastinei unu fiore
cun tottu sus raighinas.

L'abbaia su manzanu
a su sero, a mesudiet
cantas curas sempre inie,
cun su coro cun sa manu.

H'hat bogadu attera foza
rebuddeddos dae fundu
Nd'hana a tenner in su
tottu,belosie e boza.

lu ido allizadu e siccu:
bae tue e pone afficcu
Cand'unu hat mala fortuna.

L'abbo ancora a se sighida
senz'isperanzia tando:
penso:hada a rinascher, cando
torran sos mortos.

Ecco chi poi mes'annu,
Cun sa meravizza mia
bido su chi non creia:
su fiore mannu mannu.

Piago de bellu nou,
non pius de iscunfortu,
cand'happo idu sos mortos
torra iu in esser sou.

Cumprendo chi non cumibenit
chi nisciunu disisperat, disisperat,
ca cando deus lu cheret,
su chi sie'andat già enit.


SARDIGNA M I A

Saludu!isolaSarda, istella giara
de su mare latinu,sa pius bia:
abìtu e regnu è tadas,una ia
e de zigantes, cantu mises cara!

Permiti isola mia,ehi pro sos tantos
meritos c'has, chi t'ame,e mi console
tottu de te, de aria e de sole,
de misterios tuos,de incantos.


Ammiro in te sas fertiles campagnas,
Cantu t ' abrazzat mare, e cantu in sinu
tenes de preziosu e de divinu
Chi mustras o ch'inserras in'intragnas.

In te s'alzan a chelu, in milli isferas
de natura e de formas,colossales
monumentos de pedra,naturales:
noderas subrapostas a noderas.

De arte umana, a ammiro;mesu isfattos
sos massizzos nuraghes:e dimando
a chelu e terra,a tottu: chie e cando
e proite ecomente los han fattos.

Atteras meravizzas: iscavadas
in roccas de basaltu e de trachite
s'han fattu domos,nonsse'schit cun dite
sa fabulosas e antigas Fadas (I)

Ma non est custu ebbia chi ti hat dadu
sa bendada fortuna,umpare a unu
chelu serenu chi non hat nisciunu,
a unu clima tantu invidiadu.

Perdona, si non totu sas c'abbundas
siendas non ti canto e c'happo in coro:
pro ti canten, in limbazzu issoro
su restu,banzighendedi, sas'undas.

NESCIUNU

(I) Domos de Fadas, Dette anche domos Dejanas