FIGU INDIA

Nois li manca su figu morisca,
est tantu 'ona, ma est'ispinosa;
regogliendel'a manu, tia Franzisca
jughet totta sa pedde iscabbiosa,

Est tantu saporida cand 'est frisca,
si la mandigas calda est dispettosa;
sa pulpa in corpus divontat pedrosa,
chi non sinde digirit una lisca.

Deo m'ammento, unu continentale,
c'ancora no ischiat su segrettu,
est bittadu tres dies tantu

Pro la curare, custu furisteri,
cando sa purga no l 'hat fattu effettu;
hana jamadu su Piccapedreri!I

(Prunischedda)


SA DENTIERA

Cando nd 'est ruttu s'ultimu caninu,
mandigaiat sempre a sa lezzera;
manzanru e sera, ai cussa manera,
Ogni die pulenta e semulinu.

Com'est ferradu a nou, Costantinu,
su dentista l 'hat fattu sa dentiera;
cando riet, sa zente
lu leat pro Rodolfo Valentinu,

M'hat fattu veramente impressione,
l'happo nadu, t'agatto' tantu forte,
como só zertu, mandigas benone"•.

Ma so senza 'inari, in pasu t'ista.
Chie mandigat bene, mala sorte,
pro como est solamente...su dentista!!!

(Prunischedda)


MASSAJU ISFORTUNADU

Si pesat chitto chitto su manzanu,
est bezzu, totta vida hat tribagliadu,
s'istrada est longa, su campu est lontanu.

Sende giovanu, haiat sondiadu,
famiglia, domo, fizos e affettu,
e Deus bonu , 'ogni cosa l'hat dadu

Poi, pro mala sorte, o pro dispettu,
est restadu ' e nou solu solu,
senza fizos, pro domo unu pinnettu.

Saludat custu ezzu campagnolu,
dogni manzanu, su primu ispiragliu,
'e su sole, e s ' iscaldidi a consolu.

' Istat totta sa die in su trabagliu,
sos pilos sanos, sa lughe indeorat,
cun sos ' attrezzos, de punta e de tagliu.

Non chilcat nudda, solu a Deu onorat,
coltivat pro campare appena appena,
su bacculu ' e sa terra chi laorat.

Lu cuntentat su sero, pro sa chena,
unu biccul 'e pane, infust 'in binu,
chi l ' iscaldit su samben ' in sa vena.

No malaighet mai su destinu,
Dogni manzanu, torrada su campu;
a b onora si ponet in caminu.

!'antas boltas sa lughe de su lampu,
illuminadu l 'hat sa caminera,
chi deviat passare a giampu giampu.

'Ogni desizu sou? Una chimera,
pro isse est sempre jerru, sempre attunzu,
no hat connottu mai primavera.

Sa fadiga, su sole, su deunzu,
l 'hat fattu a sa 'ezzesa diventare,
abboltijadu, e mieddu che brunzu.

Massaju sighi ancora a trabagliare,
mancari sias gai, pagu forte;
isettende pro poder riposare....
Sos'ultimos carignos.. de sa morte!l

(Prunischedda)