Informazioni sull'opera
Emigranti
Hapu prenu sa frusia 'e s'unda
ch'isbattiat in sa navi incamminada
in d'unu pranu 'e acqua 'e tremini
de su mari stendiau chi no accabat mai
po prenni su sbuìdu 'e s'anima
chi lambrigat s'abbandonu forzau
de sa terra nadìa.
Calanta is istiddius in su mulinai
fungudu che unu putzu sen'e fundu.
Puru is caus bolendi terra terra
parianta saludai sa partenzia ...
Su panorama bistu in sa distesa
in mesu raggius de soli impruinaus
tottu su logu pariat prangendi
meda disisperau
s'acqua pariat ispubusulendi
s'annigiu im su coru 'e is partentis.
De su chi passat
ma però lassat
in su cammimu chi scurrit su tampus
sa traccia manna po arregordai
su chi si podit arrennesci a salvai
in cussu tempus chi nc'at a passai
po ddu podi agattai
candu s'incrasi at a deppi torrai.
Aici si cumfortat isperendi
chi urna dì iat a d©ppi cambiai
su tempus annugiau:
chi non ci siat prusu
su chi ancora andit a circai
che cassadori
su pani in su mundu
avattu de su surcu isprumau
su penzamemtu illiscinendu in s'unda
inui scumparit su logu bramau!
Vincenzo Vargiu
via Dante
03 - 09040 Armungia (Cagliari)
Tel. 070 958107
Titolo | EMIGRANTI |
Sezione | |
Autore | Vincenzo Vargiu |
Nome | B20060074 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |