Informazioni sull'opera
E sa luna fiat sparèssia
In Cossoine
una biddixedda de su Logudoru
in localidadie "Su Pèlau"
esistit unu
vulcanu studau chi si tzerriat "Mammuscone".
Nemus est mai renesciu a nd' esplorai su fundu mistetiosu e senz'e fini.
Accanta de sa bucca
pèrdas e càmbus siccaus cobèrint et accùant cussu
sperefundu perigulosu aundi
de candu in candu
arrùint senz'e scampu animalis de
ogna tazza.
In tempus antìgus
aintr'e ingunis
beniant ghettadas is mulleris chi iant tràixiu is
pobiddus.
Is contus de cuss' usanzia terribili hiant sempri impressionau Lia
una
picciocchedda fantasiosa chi in s'istadi lòmpiat de sa cittadi po passai is vacanzas
in domu de sa yaya chi bivìat ind' una domu unu pagu isolada e chi cunfinat cun sa
campagna.
Praxìat meda a Lia de abarrài in sa friscura
setzia apizzus de sa grunnìssa de sa
fentanedda de su sostri. Su càntidu de is grillus e de sa tzonca ddi fadìant
cumpangìa e
medas bottas
fantasticai castiendi attesu
aundi sciiat chi ci fiat
Mammuscone
.
Unu mericceddu de austu
mentris castiàt su spuntai de sa luna ptena
intèndit de
attesu una boxi chi dda tzerriat po nomini. A sa muda
po non di fai acatai sa yaya
chi si fiat dormida
bessìt de sa domu e
spinta de cussu richiamu persuasivu
camìnat
camìnat finzas a candu s' agatàt a su costau de sa bucca de su vulcanu.
Cun grandu meraviglia
s'acàttat chi su richiamu lompìat de cussu sprefundu. Una
forza misteriosa dda spingit a 'nci calai.
Ma sa luna
piedosa
cìrcat de dda firmai: «Non t'avventuris...torr' a
segus.. .ingunis aintru t'hat afferrai sa morti.»
«Non potzu
- naràt Lia- non renesciu a mi firmai
mi tzerriant... Donamì tui
unu raju che fil'e Arianna
e hapu a podi torrai....»
E de sa luna calat unu filu de prata coment'e una scala fadada; Lia a pag' a pagu
si
calat.
Lòmpia a cussu fundu studau
camìnat
camìnat finzas a candu ddi cumpàrìt unu
pàris de erba birdi
chi fragat de fenu e de trevullu. Ci pascìant angionis
crabittus
bois
cuaddus e medas atteras bestias: totus vittimas de sa mala ventura
arrutas cun
ingannu in cussu fossu divoradori.
Improvvisamenti
su coru de Lia battit a sa scempiada bidendi lompi unu tallu de
feminas allampanadas... dolentis ... Si battiant su pettus implorendi a grandu boxi
su perdonu de is pobiddus traixius.
De pustis
in dd'unu arrenconi
bit una sposa giovunedda chi si sfiniat
in dd'una
stoia de follas de rosas arrubias e de lillus candidus. Bidendi Lia cicat de si sollevai
...«Criadura suavi -narat a fil'e boxi- seu deu chi t'hapu tzerriau po nomini:
t'hapu tanti aspettau ... de meda tempus
ma immoi su tempus est po acabai e tui
prima chi sa luna si ndi andit
depis torrai intr'e is bius. Circa su sposu miu
chi
scipiat chi deu non dd'hapu traixiu mai e chi conòsciat su prantu miu etemu ... Esti
stetia s'amiga chi creemus sinzilla
gelosa de s'amori chi si uniat
a fai cresci sa
calunnia terribili...»
Sfiorendi imploranti is manus
Lia cummòvia currit a sa bèssida attesu e
impazienti
atziat in sa scala fadada. Già intravidit sa luxi de su xelu
candu
a s'improvvisu su
filu de Arianna si segat...
Cun dd'unu tzerriu Lia arruit malamenti in su precipitziu.... E in cussu scuriu de
inferru rintronai a undadas una boxi de morti. In foras sa luna fiat sparèssia:
s'orizzonti fiat giai a color'e arrosa.
Evelina Garau Murranca
nata a Masullas (Or) il 10-2-1918
Residente in Cagliari
via Maddalena
56
telf. 070/659679
Titolo | E SA LUNA FIAT SPARÈSSIA |
Sezione | |
Autore | Evelina Garau Murranca |
Nome | C2006007 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |