DISIZU

De tantos disizos c'appo in mente
Nde tenzo unu ehi lu cherzo iscriere
Chie l'intendet sínde ada riere
Ca no es cosa de s'umana gente
Disizo domo frísca e caente
Chin donzi cosa a manigare e a biere
A cunfromma su dempus su consolu
E chi veloce anderet a bolu

Tottu sos saboridos alimentos
In pagora in mesa preparados
Da istrumentos apposta inventados
Chi ndoghen tottu da so s'elementos
Comodidades pro dívertimentos
Proparentes e amigos invitados
E cando tio cherrer trasferire
In pag'ora a tottue de arrivire

A podere arrere in d'ogni situ
Senza fagher neunu impedímentu
E senz ' aer paura o pensamentu
De ladros de animales de su littu
Bermissu o documentu a tímbru iscrittu
De non bind'aer mancu in argumentu
in tottue chi dimoraio
Bider intender cantu bramaio

Gai de ider saziao ganas
In alpes caucasos e urales
Pireneos e antillas australes
Arturas d'Imalaia, e africanas
Tundras buscos desertos e savanas
Rios mannos aldeas capítales
Climas costumes festas e rimores
Religiones e razzas e folclores

Forestas e cittades e marinas
Mares astrados astradas nieras
Pro ide pisches serpentes e feras
E aes de sa razzas peregrinas
fruttas premedias e attunzinas
E cantos frores dan sas primaveras
Pro saziare sos disizzos mios
sempre sanu cun forza e cun brios


EROE RARU

Medas istan eroes adulende
Dendelos a s'Olimpo gloriosu
Bi su veru eroe trascurende
Ca es modestu in triballu penosu
Pagos attuan a su minadore
A lu fagher pro meritu famosu
Intrat isse a s'intragna e nieddore
De sutta terra in postos de calura
Cun sa lampada e debile lugore
Iscavat sutta rocca infida e dura
Suggettu a istroppios mortales
Iscavende o fattende s'armadura
Mesu nudu cun suore a canales
Cun motopicu e trastos de mina
O paliende sos materiales
Imprueradu fina in gannighina


SU NURACHE

Sos nuraches antigos esistentes
Chi dan continu tantu trassimentu
A Sardos a istranzos de onzi entu
Ca cussos nostros remotos parentes

No an dassadu signales videntes
Pro ndi ischire s'issoro fundamentu
E supposiziones de onzi ifera
Faghes s'istudiosu e sa nostra era

puru la penso a parrer meu Deo
Chi de cappu cussorza fit dimora
Familias de servire intro e fora
abitaian su sou rodeu
Pastores cun masones tottus a reu
daian fruttos de fauna e flora
Provvistas meda fin postas inie
Sos cumandos bi fint a cale e chie

Sa fida fidi vida pastorile
E fit d'onzi cussorza limitada
Su nurache de s'attera leada
Fidi attere tantu unu colle
Sa gente rude non tantu gentile
In sos contattos no fidi affinada
Pro pastur'abbas e fruttos de terra
E tra nuraches si faghian gherra

E da ghi su gherrare fit finidu
Sa parte chi essiat perdidora
Fit fatta ischiava e servidora
Chin su sou nurache distruidu
E abbitantes chi b'azzis vividu
Torrade a nos cantare in cust'ora!
Sas penas bostras sas bcs ras finas
Sos giogos sos amores sas feminas

Forza e ingeniu alos costruire
Nos nade e trastos chi aizis a manu
limbazu e alimentu fitianu
B comente usaiansu estire
s'ultimu c 'at cessadu a b'alloggire
E chie fit su ' ostru soberanu
Ca semus medas pensende ammirados
De sos bostros nuraches ammudados

ISTRANZU