DISIZU E DUDAS

Si dia resessire a 'istare
mancali solu unu pagu
in s'aera
a in fora 'e pesu e sonu
solu pessos
ismentigu 'e su ch'est

a meledare
subra su bucu nieddu
de sas veridades cumpridas
chi trampana sa 'oza 'e avanzare
e resessire a forrojare
sos proites dei custu nudda
devidu a su mundu 'e su relativu
de siguru
mi diat torrare sa 'oza
de su tempus benidore

s'alluscu
'e una cussentzia noa
tale e tanta de alciare s'omine
fintzas a sas chi naran cubidas
lacanas de s'essere
e gai
forsis

t'aia a sas fines agatadu
santa sabièsa.