CUNSIZZOS A UN' ORFANEDDA POVERA E BELLA

I^

Si Sa fortuna t'est istada avara
Chi babbu e mama ti han lassada sola,
A sa sorte avversaria pettus para
No disperes amabile viola.
Sas artes de Aracne ama e impara
S'agu, sa ruca, su fusu, s'ispola;
Poi si Deu una gianna ti tancada
Calchi balcone a t'abberrer non mancada.

2^

Ca ses povera s'andas a servire
Ti cherzo fagher tantos arrejonos
Ti prego in su dovere de ubbidire
Cun fide e riverenzia sos padronos,
Ti prego ancora de los cumpatire
E ponner mente a sos cuneizos bonos,
Poi s'a teraccare oe ses bona
Cras podes esser mezzus a padrona.

3^
Dadu chi ses in sos teneros annos
Cun zente onesta e sabia ti cunfida,
Ca custu mundhu est un'add'e ingannos
Unu mare de insidias est sa vida
pro chi cantu vives non happas dannos
Cun custos versos mios ti guida;
Fue su precipiziu bella mi
a Fui dogni suspetta cumpagnia.

4"

Narami infatti o virgine galana
Nara si reposare mai has bidu
Sa luna cun s'anzone in una tana,
S'agula sa columba in unu nidu
Senza chi s'una a sattera inumana
Siada istada e male appat servidu
Ca paret legge e destinu fatale
Chi sempre s'innozente incontret male

5"

Iscultami e intendhe anima bella
Chi prezettos ti do santos e sanos
Ista che vigilante sentinella
Custodendhe su lizu c'has in manos

Inalzadi e triunfa che un'istella
Dae sos precipizios mundhanos
Cuntentadi'e sos donos c'hasa ottentu
De sinnu e de virtude a cumprimentu.

6"

Finis ti prego orfanedda avvenente
Proghi manc'una foza ti diat pesu
Cunservadi che turture innozente
Dae dogni bruttura olendhe attesu
Tenedi forte , sabia e prudente
De sinnu e de valore sempre in mesu
Vive in puresa e de candore armada
Comente e una rosa immaculada

Sas virtudes coltiva e ti mantene
E fino augurendhedi ogni bene.

Perfugas 8 Settembre 1957 Cicciu Piga

Signor Tonino LEDDA
Segretario Comitato "Beata Vergine del Rimedio"
(2^ Primio Città, di OZIERI)

Vicolo G.M.Angjoi n°2 OZIERI