Informazioni sull'opera
CUNFIDENTZIAS
-A l'ischis chi su tale
già m'at fat'unu tortu
cun d'un'ojada mala?
M'at tocadu sa pala
s'atera die
in s'ortu.
Chi li 'eten su sale!
-E tue
ite l'as fatu
cando cust'atrivìda
l'est pigad'a bidea?
Ti ses fichida rea
poi ti ses setzìda
maseda che un' 'atu.
- Est beru
ma però
non l'apo dadu filu.
Sa neghe no est mia!
Cando l'at post'in bia
pro giomper a su pilu
fuida mi che so.
- Non cunfundas sas cosas
comente cheres tue.
Ma cres chi no ische?
Tue cheristi pische!
E tra tambula e rue
sas ispinas fin rosas.
- No. Non mi nerzes custu
ca no est giustu gai
si negh'apo eo puru.
Chie vivet a s'iscuru
chen'aer proadu mai
chircat su primu gustu.
- Gai narrer cherìa
ca sa curiosidade
de ischir'est manna meda.
S'amore no est moneda
ma cust'umanidade
lu cheret sempre in bia.
Mutteti. Senari. Versi sei: tre d'apertura e tre di
chiusura (ABC/CBA). Semplici espressioni di
varie caratteristiche situazioni - manifestate in
versi fra due o più persone - normalmente sentimentali
ormai fuori uso anche nel paese di
Plaaghe.
Titolo | CUNFIDENTZIAS |
Sezione | |
Autore | Gerolamo Zazzu |
Nome | A20060015 |
Anno | 2006 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2006 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |