CUN SOS TEMPOS CHI CURRENE CUNTRARIOS

Cun sos tempos chi currene contrarios
no sun roeas de maju e no sun lizos
sos contributos cun sos affoghizos
chi faghen tremare sos proprietarios.
Cun sa conca piena, de isvarios
meda già nd'hapo 'idu in contivizos
fattende contos cun sa lughe allutta
ma, cun sos contos sun bessidos sutta.

Unu m'hat nadu,firmende su passu:
"..nos mandana in ruina adderettura.
Ma eo preventiva una mesura
chelzo leare pro tenner rassu:
cun calchi chi tenzo in su Sassu,
chelzo tentare fortuna in sa fura:
pijende a manu franca inue passasa,
faghes dinari e no pensasa in tassasa.

Cun s'iscusa chi chedda in tanca
e chi hapo guighe unu nebode
pensan chi tranquillu la gode
in s'onestade ballendeni s'anca.
Intantu fure e mi la fatto franca,
a fizas mias lis fatto sa dode,
pro chi lis fettan corte in Giru tundu
cun totu sos honores de su mundu.""

Furare in padru e tranpare su fiscu
sun solu 'e sa mente pensamontos
-l'hapo nadu -mancari discuntentos
no la ponazedas sa vida in arriscu
e lassade pro atteros su friscu
do sos penales istabilimentos
Bois comente sempre....in s'onestade
chircad'e vivere in tranchiglidade.

Funtana

22 Agosto 1959


SOS IPOCRITAS

Benin,ti linghen sos pese
in horas bonas e malas.
Cando ti giran sas palas
ti naran su chi no sese.
Duos no sunu né trese
ma medas,medas mirade
sos chi custa facultade
faghen de s'annu ogni mese.

Funtana nébida

22 Agosto 1959


Su lamentu 'e su Nuraghe
Homines,chi continu mi passade
sa dananti e-i s'oju mi chinnides
in modu indifferente,ca ischides
chi superbu bos miro e nudda naro,
solu cando in passera bos reparo
dragonaias de abba e marigore,
senza mustrare affettu né amore,
chi servo a calchi cosa tando nades.

De sos zigantes lu narat sa losa,
chi m'istat da-e tempos a vicinu,
chi testimonzu so e paladinu
de una razza forte,ardimentosa,
chi cun ritos paganos,dignitooa,
antígos usos bos hat tramandadu,
e subra custos bois innestadu
hazis de Cristos sa legge donosa.

De me in sos annales de s,istoria
padu e nudda relatan sos iscrittos,
ca solu in custos crastos mudos'frittos,
de su passadu meu est sa grandesa.
E de sa zente sarda a rue-pesa
sighidu hapo in sos seculos s'andare,
sos patimentos,su pagu gosare,
Sutt'a cumandu de s'anzena boria.

Fin sas glorias mias tramontadas
prim'ancora chi 'enzeran sos fenicios
e a sa limba,a soe romanos dicios,
rispostu haperat s'eco in custa terra,
già 'e sanbene infusta pro sa gherra
contr'a sos prepotentes accudidos
dae lontanos marittimos lidos
de levantinas terrasa ignoradas.

Da-e subra cust'altura, fin'a mare
continu hap'a ispargher sos lamentos
fin'a cando cumpridos sos intentos
mios e bostros no hap'a lobrare.
Potente tando già det isclamare
boGhe subra sos seculos trattea
e cun accantu nou,a limba ispresa,
innos pro su riscattu had'a cantare.

22 Agooto 1959 Funtana nébida