Informazioni sull'opera

TESTO


COLUMBAS BIANCAS

lassade ch'ispargant sas alas
sas columbas biancas!
Lassade chi 'olene liberas
supra iscenarios
semper in tensione contra
s'imperiu 'e poderes tirannos.

Cantas imprentas pipiosas
sinnadas in s'istoria
'e sa zivilidade umana!

Lassade chi 'olene

sas columbas biancas
fieras de giugher in bucca

gasi unu missatzu

ramputzos teneros
de pramma e de olia.

Lassade chi tenzant ischidas
sas passiones etnicas
in sos chi sunt in cumbatta
pro sa conchista
de echilibrios democraticos
e abberrer sas giannas
a su triunfu de sa paghe.
Paghe tra ommes!
Paghe tra populos!

Sena pasu

custu zirriu accoradu
acco' chi s'isparghet
a tottu sos bentos.

Lassade chi custu sentidu
s'incarnet in sas intragnas
de sos coros bramidos
ca est valore universale
de s'umanidade zivile.

Mustrade sos punzos
a sos chi tiant cherrer
truncare sas alas
a sas columbas biancas

lassade chi lompant tottube
chin sos ramputzos teneros
de pramma e de olia.

Antoni Mura (Tottoi)
nato a Padria il 30.11.1922
residenta in via Togliatti
13/b
07100 Sassari

SCHEDA DELL'OPERA
Titolo COLUMBAS BIANCAS
Sezione  
Autore Antonio (Tottoi)Mura
Nome B20060043
Anno 2006 
Argomento  
Descrizione  
Lingua  
Editore Premio Ozieri
Contributore TecnoService
Tipo  
Formato  
Fonte Premio Ozieri
Relazione Concorso Premio Ozieri 2006 
Copertura Italia, Sardegna, Logudoro
Diritti Comune di Ozieri - Premio Ozieri
Analisi del Testo