CHIDA SANTA

Sa cheja hamus in luttu;est chida santa:
rughes e ogni istatua'e santu
sun copertas da unu tristu mantu;
abbasanteras no han abbasanta.


Pro tres dies isparit tottaganta:
gioja, chenabura e sapadu santu;
sa gioja si cunsacrat s'ozu santu
e si presentat su trigu in pianta,

ínnidu e biauncu in sa pastera
chi cun lampanas, rosas e fiores
adornan su sepulcru e paghe donan.

Luna piena isperiat s'aera,
sas matracculas faghen sos onores
a postu 'e sas campanas chi no sonan.

Pensionato - Via Sardegna,N.3 - Oristano (Cagliari)