Informazioni sull'opera
DINO MURONI
Canto in lingua sarda
dedicato
AI POETI OZIERESI SCOMPARSI
In occasione della loro commemorazione
Via Arborea 1, Sassari
1
Sos nomen ch' in sa lapide hana iscrittu
No lu pode su tempus concellare
Perenne che i su Nilo intros'Egittu
Custos nomen pro sempre hana restare
De Pirastru, de Cubeddu e de Morittu
Ogn'unu sempre si devede ammentare
Ca sun tottu a s'istoria già passados
Cun su pettus de medaglias decorados
2
Fini genios de altissimu valore
Eroes de sa sarda poesia
E tue Ottieri faghe onore
Intitulende a issos una via
E gai sa memoria è sempre 'ia
Piena 'e tantu fulgidu amore
Mentre in cussa lapide murada
Una lampada bi sia collocada
3
Una lampada azzesa sempre inie
Ch'invite su passante a si firmare
Chi leggiada e si pottada ammentare
De chiede cantaiada unu die
Lizos biancos candidos che nie
Vicinu bi devides piantare
E gai si onoran degnamente
Sos poetas chi oe sun'assente
4
Artefices de sa sarda melodia
Prinzipes de su cantu 'e Logudoro
Sos poemas c'han dassadu unu tesoro
Pro indicare a sos giovanos sa via
Non suni mortos ca s'anima è bia
E Ottieri los tenede in su coro
Ottieri chi l'os'ha sempre amados
E' felice de los aere onorados
5
Ottieri gentile e generosu
Chere bene sos fizos onorare
Issos chi dormin s'eternu riposu
Chissà cantu sind'hana a rallegrare
Sos parentes cun coro affettuosu
Sun cuntentos de bos ringraziare
Sugazis fattu non pode morre mai
Ca passada a s'istoria e resta gai
6
Ottieri commossu e riverente
S'inchinada a sos fizos istimados
Oe chi los'ha commemorados
Pius caru è s'ammentu e cussa zente
Dae sa tumba risponden presente
Cuntentos chi non suni immenticados
Lode giusta a s'interu cummitadu
Ca gai bene sos fizos onoradu
Titolo | Canto dedicato ai Poeti Ozieresi scomparsi |
Sezione | |
Autore | Autore Anonimo |
Nome | 1957-01 |
Anno | 1957 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1957 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |