Informazioni sull'opera
Canes!
Sos canes continentales
nd'est 'attinde "mussegnore"
canes de mossa e valore
e ferrados in casciales.
Sun canes de ratza pura
seberados a s'apposta
chi finas sa petta tosta
che tragan a sutzadura.
Podet seguru restare
cussu pastore cun s'ama
ca custos canes de fama
ammossan sen'apeddare.
Sos canes fonnesos puros
si retiran pro s'offesa
e non faghen sa difesa
che sentinella in sos muros.
Custos canes furisteris
los hat postos a s'iscappa
a ponner bentre cun sa nappa
che matzones bardaneris.
Cun custa teppa canina
nd'hat attidu un'ispinona
chi s'illaccat sona-sona
a -durundun-dirindina-.
Pili-russa attrividitta
cun sas ghignas de arpia
sanat 'ogni maladia
de sa sarda zente aflitta.
A custos canes vegliardos
li s'hat dadu sa bachetta:
cumandan e pappan petta
lassende s'ossu a sos Sardos.
Oh poberos canes mios
su soru chi bos est dende
est che purga morighende
a iscossas sos sèntios.
M'ajò paradeli s'atza
che simai a pilu reu
e catzadeche perdeu
custos ladrones de ratza.
Antoni Maria Pinna
Carrela Riu Mele
8 Puttumajore
(cantala comente cheres ma cantala!)
| Titolo | CANES! |
| Sezione | |
| Autore | Antonio Maria Pinna |
| Nome | B20060053 |
| Anno | 2006 |
| Argomento | |
| Descrizione | |
| Lingua | |
| Editore | Premio Ozieri |
| Contributore | TecnoService |
| Tipo | |
| Formato | |
| Fonte | Premio Ozieri |
| Relazione | Concorso Premio Ozieri 2006 |
| Copertura | Italia, Sardegna, Logudoro |
| Diritti | Comune di Ozieri - Premio Ozieri |
| Analisi del Testo |