CANDO UNA IANNA SI FALAT

Intendo
tristua
unu lamentu

unu burbutu chena boghe

cumpostu sero su tormentu
pro chie no est pius inoghe

firmadu attìu
chena cunfortu

chena pius lagrimas e chen'apportu.

Chie at perdidu in unu olu
sa cumpanzia de una vida

no at perdidu affetu solu
ma s'abberit una ferida
pro no aere difesu e sarvadu
chie in terra at pius amadu.

Biere
in unu bottu
cumprire
unu rapportu gasie forte

biere sas carres tzidìre

isfattas
a sa morte
lassat su coro puntu e insambenadu
chen'iscopu per'unu e isconsoladu.

Si est beru chi s'anima no perit
e chi sa felitzidade no siet de custu mundu

est puru beru chi sa solitudine ferit
e sa tristura nos imboligat in tundu
chi feminas e omines son naschìdas
pro istare sempr'unìdas.

Cando una ianna si falat
e sa lughe
greve
s'istudat

pro ambas
niedda
calat
sa notte
e no agiuat
mancu sa fide chi puru

a bortas
che catzat s'iscuru.

Nos faghimus forza
cun rejone

chi si narat chi sa vida sighet

de chircare sa rassegnatzione
ma est su dolore chi nos bighet

impotentes
a sa penetenzia
fatta de remu e de sufferenzia.

Adiu mundu vanu,
felitze ragghjungo s'amore meu,
inue est sempre e solu Beranu,
Inque subra, a fiancos a Deu
.


PALA GIOVANNI MARIA
NATO A LURAS (OT) IL 29.01.51
RESIDENTE A TEMPIO PAUSANIA IN VIA IOSTO AZZENA N°l

TEL. 079/632673-338/7804246.