CAMPANAS PRO TOMASSU

Su sonu de sas campanas
chi son sonann'a mortu

a Pasca Cristu resortu
pro ti achere cumpanzia

pro unu mamentu ebbia
dadu at cossolazione.
A procurare dolore
t'ana furadu su coro

Tomassu pilos de oro
de Rasu imbolicadu

sa fotografia as dadu
is minore innozente.
Su mortore sa repente
pichet in custu mamentu

a Tomassu monumentu
in piatza li achimus

sa dignidade perdimus
in mes'a sos criminales.
A sutterrare sos males
bi cheret sa bolontade

cussenzia e onestade
su mortore s'at bennidu

sas manos s'at illinidu
de sambene minorile.
Est unu peccadu vile
non t'apo lassadu solu

apo pregadu chin dolu
ma Deus non b'at pesadu

nessi a t'aere liberadu
custu it s'animu meu.
A torrare su recreu
in bidda e in domo tua

in sas prejones sa lua
son'isetann'a li dare

non depene perdonare
su mortore de minore.
Non connosches su dolore
canni ne as procuradu

non tottu as cuffessadu
in coro no as amore...!


DELOGU GIUSEPPE (Orune 30/11/41)
Via Don Oreste Nuti
42
6020 SANTA MARIA A MONTE (PI)
Tel. 0587-707045