Bastàt Pagu

Giogào a piculas (1
cun is cumpangeddas
sezia in terra a orroda
in sa parza
anant'e 'omo mia.
A su primu caschidu d'eranu
scabiddaiaus nos puru
che geranios in is curridoios
in is bias incodadas.
Su 'eranu lassat de segus
is dies murras de s'ierru
accant'e sa forredda
ma
erricas
de calentòre umanu...
Su nìe zilighitàt
is imbidros de is fentanas
ammontando
de biancu sa natura

Mammài

filando lana contàda
de janas e nuraghesos
e deo
incassidào
in sa bertula de s'imparu
siendas de su connotu.
Su fusu
trotoxando
s'ingurtiat su tempus...
Sa linna

schintiddiando in sa framula

nuscat de fabula.
Sa notte
cuntenta bisào
cussu mundu fadàu
e no seo arrennescia
a ddu chistire
po is benidores.
Bastàt pagu!



Ida Patta

Nata a Fiume il 06 09 1931
residente a Cagliari in via Boito 19
tel.070/485176

1) Gioco molto antico
composto da sette a nove piccole pietre
levigate sino a diventare delle palline.
Se ne lanciava una
in aria
e contemporaneamente con l'altra mano
si raccolgono le altre da terra.