BANDANERIS CRUDELES

Cun ingannu sa zente malandrina,
L'han tentu e,l'han iscuttu e l'han ligadu
manoe e pese e ndel'hana etadu
A Cara a terra, che crastu, in s'ispina.

( NUIGHEDDA SOLITARIA)


Che unu mattul'é niedda lana,
Sola in su chelu, a su primu manzanu
Andende, nuighedda ses pianu
Che una giovanedda chitulana.

Ma pares trista, che una c'hat bidu
Unu fulanu a sa domo torradu
Pustis de haer bocchidu o furadu
Dae sumbra é sa notte favoridu;

O puru che a unu c'est mirende
Calch'innocentel han mortu
E chi sa mama priva de cunfortu,
L'istat invanu in sa janna isetende;

O chi bidat, una creatura,
Molzende, acanta, sa, mama in piantu
O lassende unnu babbu, in pena tantu,
Sos suos, in sa peus disaura.

Ma eco, nuighedda, chi has leadu
A pagu a pagu su colore é rosa
E peres mires riente e festosa
Su massaju a sa tula già torradu.

Como de nie pares amantada
Ca su sole de lughe t'hat bestidu
E chi sias cuntenta d'aer bidu
In carignos s' amante cun s'amada.

Mudende forma dae tantu in tantu
Ses, nuighedda, de bell'un'amiru
Ma nudda lassas, che unu suspiru,
Cando t'isolves comente in piantu.

De sas nues sos umidos umores
Renden bonos sos calidos terrinos
E-i s'amore, in sos umanos sinos
Rendene bonos sos crudeles coros.

BARBARACINU SOLITARIU,


( AMORE INNOCENTE)

Cantuu ses bella, cara Istevania!
Cant'amabile ses e graziosa!
Tue mi basas tuttu affettuosa
Innocente in sa primu pizzinnia.

De carignos ses sempere bramosa:
Cando ti naro: beni prenda mia,
Si bidet in sos ojos s'allegria
E sos passitos moves pius briosa.

Tando sos brazos, debile tendes
Invitendemi in coa a ti leare
E cosigheddas solu mi pretendes.
Tue mi faghes su mundu olvidare.

Cun s'affettu in su coro chi m'azzendes
De gioias mi palzo in d'unu mare


Cando éo ti naro,rie rie:
Narami a chie cheres a isposu
Alzas su chizu serenu serenu e donosu,
E naras sorridente: chelzo a tie.

Nessunu podet cret cant'è asie
Cuss'innocente- si- mi donat gosu
Ca medas boltas unu- no- penosu
Ispinas in su coro hatpostu a mie.

Cando t'istringo forte a pettus meu
Comente istringhet mama affettuosa,
Sa creatura sua cun recreu.

Ca simizante sese a una rosa
Vellutada, suave, senza neu,
Lenta in su ratu abbelzende incantosa.

( BARBARICINU SOLITARIU)