Informazioni sull'opera
Atunzu
Nues in chelu pesadas
abbilones biancos brunzados
disaffiende sun lughidas su sole
contra a un'asulu divariu
a s'infinidu navighende...
Fin'a mesudie
buriana su mare
attappadu s'est rajosu
rebelle isfidiadu
in sa temporada frisca angariosa.
Coladu est s'istiu
chi mai passare pariada...
In su merie 'e cabidanni
remunidu s'est su 'entu solianu!
Sa marettada
acchéssida
a ponente
a lenu a lenu trazat che fustiju
su gutzu 'e su coro solovadu
rundanu pitzinnu curiosu
cara a un'isula noa...
No isco si est rezettu posadinu
terra romasa o rassa e saliosa
de 'innenna o de nudda tentu in punzu.
e cantos annos bi devo arreare...
Ma 'idende so sa chiza 'e mama
e intendo sa 'oghe cuidadosa
cando istudiante attesu so partidu:
Bae, f izzu meu, bae cun Deus!
.
Arreputzada torra s'est sa vela
uffiada
che sinu de bajana primorosu.
Die b'at galu e lughe a s'intrinada...
Omine
ajò! B'at tempus a s'ierru!
Benito Saba
nato a Cagliari 16-03-1936 - originario di Bonnanaro
Via S. Marras 6 - 07100 Sassari
Tel. 079291383 - 3408077504 - 3492650999
Titolo | ATUNZU |
Sezione | |
Autore | Benito Saba |
Nome | B20050058 |
Anno | 2005 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2005 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |