Informazioni sull'opera

TESTO


Ascultami
dimmillu Peri!


Palchì un pezzu ni 'idimu
E l'altu no?
Palchì si la mitai è
L'alta no sia?
Palchì cumandati semu
a assaggjà la cosa
e a ticcjassi no?

E' crudèli
Ca cussi c'à fattu
O calche cosa no cumprindimu
Di lu pinsamentu soiu?
E' pussibbili
Chi murì déchia
Pal vidé l'alta perra?

E' la 'iritai
Lu buggju e la fumaccia
Lu fritu e lu 'jélu?
O la luci d'orienti
E lu basgiu a tramuntana?

Fattu socu pal vidé
Lu distinu pal gudì:
fumaccia e buggju
Fritu e 'jélu
Nonni 'oddhu.

Luci e culori
Caringji e basgi
Paci e amori
Dungja dì
Cosi noi cumprindì

L'alta perra déi esse.


SCHEDA DELL'OPERA
Titolo ASCULTAMI
Sezione  
Autore Mario Solinas
Nome B20040094
Anno 2004 
Argomento  
Descrizione  
Lingua  
Editore Premio Ozieri
Contributore TecnoService
Tipo  
Formato  
Fonte Premio Ozieri
Relazione Concorso Premio Ozieri 2004 
Copertura Italia, Sardegna, Logudoro
Diritti Comune di Ozieri - Premio Ozieri
Analisi del Testo