ARCHUPINTU



Candu
no m'esci
manca l'arènu
da lu pettu
triburàdu
tandu
l'anima meia
di marassentu
z'esci a luntànu.
Attrabessa
campi di fiòri
e di nébi
e marìni
biaìtti e sapidi.
Ischìglia
che ascia di balla
finz'a chiss'urìzi
di puipura
chi la sipàra
da lu zéru ìnfìnidu.
E ifrisièndi
la pirota di fogu
a l'incrinàda
si fàzi
piùbaru d'oru
e caggi
che occi di sòri
sobra la terra.
Lizéri lizèri
un archupìntu
noba ipirànzda
a lu cori
affrisciàdu.

CINZIA OCOSSU
NATA ASASSARI
IL 05/03/1947
RES. A SASSARI
VIA FRINCIPE DI PIEMONTE 11/A
TEL.079 218021