APPO BIU


Appo biu su sole arbeschende
Dae unu monte astragàu
Appo biu su sambene falande
Ind' un'ispricu secau
Appo biu sa terra mudada
E milli colores de framma
In custa Sardinna siccada
Appo biu un'ispica 'e oro
Manicada dae sos bobbois
E su ludru in sas prattas
Chin omines che a nois
Appo ascurtau chin amore
sas limbas de su mundu
barias e a bortas tristas
E appustis appo prantu
Appo biu sa zente istimandesi
E chin coro chircandesi
Appo biu sa fazza 'e un'amicu
E sa morte affazzada
In sos ocros de un' inimicu
E semper appo prantu
Appo perdonau e fattu abbonare
E su dolu m'at fattu pessare
Appo biu sos isteddos in chelu
A sero e a notte falada
E una zovana istranza
Chin sa conca incurbiada...
Appo biu sa luna naschinde
In "Monte 'e palas de Casteddu"
E m'appo ammentau una cara
Una boche durche e lena
Unu risu e un'affettu tzertu
Chi m'at creschiu e istimau
Chi dae annos m'est mancau
E galu prus de prima appo prantu.