AMORI IN PENA

S'è laghendi lu me cori
sempri tristu e scunsuladdu
pari l'aggi cundannaddu
a suffrì pa chist'amori.
Di e notti e lu mangianu
minn'isceddu cun tulmentu
curri lu me pinsamentu
und'e te
chi se luntanu.
Mi disigiu dugna sera
a cavaddu di la luna
pa videtti cand'imbruna
caminendi i la carrera.
Apuggjiammi i lu to pettu
pa drummì a sonnu scioltu
chi mi palgu d'esse moltu
senz'avèlu to affettu.
Rundineddha
car'amigga
un piaggeri ti dummandu
si mi fai lu cumandu
ti la pagu la faddigga.
Di cori ass'è pagadda
cun marenghi e pezzi d'oru
anda e bula
o me tresoru
und'è la me innamuradda.
Dilli : lu gialdinu è asciuttu
lu ghi è drentu s'è sicchendi

puru si l'abbu pignendi
no si vedi nisciun fruttu.
S'è siccadda dugna vena
e la pianta pumposa
no profuma più la rosa
si la vedi faggi pena.
Torra inogga
me cunsolu
pa videtti lu mangianu
cinn'andemmu a manu a manu
palchi sogu sempri solu..
Lu me cori t'appalteni
tu poi fanni lu chi voi
è che rocca
chi no mòi
imbragadd'è cun caddeni.

Domenico Mela - via Giovanni 23° n° 5
07031 Castelsardo - tel. 079/470489