Amada mia

Tra nois isapidores
zurpas abbaidadas
cun su cherveddu chi non biet
e sa die
lisa
si ch'andat.

Tra nois paraulas
tantu po narrer
e po faghet a biet
ca nos chistionamus
ma cando semus solos
mudos
mancu nos chircamus cun sos ojos
non naro cun sas manos
(est a pretender troppu!)
e
commente potzo narrer

ti tenzo accanta
ti potzo isfforare
ma su fattu est ca non mi attiras pius.

Abe soe
Abe a bolu
Abe in su desertu
Abe senza cumpanzia
Abe moribunda
amada mia.


Puliga Giuseppe
nato a Nughedu S.Vittoria il 4.4.1955
e ivi residente in Via Mazzini
8
Tel. 0783-69418