ALLU...CINA...NTE: LA CINA E' VIZZINA!

Li primi furistheri chi Sassari àni invasu
So isthaddi marocchini e senegalesi
E gira gira vi so andaddi a nasu
Cuniscendi lu cori moddu di li sassaresi.

Ani ischuminzaddu i li giannìri
A vindì paracqua e ippiccitti
Finza a arribì i l'ipiaggi di Puschiri
Pa' fazzi cumparà l'aneddi pà dui citti.

Ma chissi chi so' intraddi i lu paesi
Muddi muddi
pascendi che la ciogga

So' chissi facci groghi
li cinesi
Chi da lu corru mannu so' giunti finz'a inogga.

So' giunti a cumparassi la ziddài
No li basthaba più futtizzi cu un ridozzu
Ani l'apprettu d'allaghà la proprieddài
Ipagliendisi cumenti mancia d'ozzu.

Si ti capiteggia d'scizzi foravìa
Proba a da un'ucciadda a tutti li viddrini:
Di li vecci v'è rimasthu soru Mangatia...
Tutti l'althri so' di chissi mandarini.

Ponibi afficcu
la buttrèa di Cuggòni
La dì prima era in Via Universiddài...
Si la dì infattu v'è una boccia pinduroni
Vo' dì chi lu paddronu abà è Ciuenlài.

E cosa li vói dì a lu buttreaggiu sassaresu
Si abà si l'é pigliendi cussì caldha:
Lu trabagliu soiu tutt'a un coipu s'è arresu
Da Sassari ischumenza l'"Orientale Saldha".