Abà lu sippariu e calatu


Omini d'evagneliu
come discippuli di Cristu.
Trabaddhadori finz'a la fatica.
Gridanti e pricadori

li dì di festa

illi ghjesgi di campagna.
Vistuti cun pochi panni
minori e manni
ma ricchi di spiritu.
Poari di mezi
parò puliti
illu cori e ill'anima.
li nostri pastori

sai e rasgiunadori

da tutti sminticati

campani cuntenti
a li cattru 'enti
come lu populu di Mosé
ill'arritu disseltu.


Abà lu sippariu è calatu
e no resta che la fola
di chiddhu triattu mintuatu.


Pasquale Ciboddo