Informazioni sull'opera
A UNU AMIGU MINISTRU E S'INTERNU
Caru Pisanu
sardu in su Guvernu
de cullegas pius distintu ancora
ch'às rangu de ministru de s'internu.
Prezisende chi
so sempre fora
dae sa truma
chi brujada incensu
a Silviu
che Efestu a Pandora
de t'iscrier m'ès bennid'a pensu.
Ite àpo e ti narrer in bidea?
Leggemi e cumprendese su sensu.
Chelzo arrejonare e s 'Odissea
chi sun vivende esseres umanos
de sos cales
connosches sa pelea.
Custos biden
a nois italianos
comente un'ispezia de nababos
chi amus totu sos benes in manos.
E' Naturale chi
fizos e babos
attiremus che una calamida
indios
africanos e arabos.
Da issos
s'Italia enid bida
terra ricca de gustos e dinari
chi renden bella e felice sa vida.
Biden chi è sa patria e sa "Ferrari"
de Benigni e
de atere
diamine...
Dae Trieste a Porto Cervo a Bari.
Sos babos de fizos chi àn famine
no los frimman de mare sas tempestas
ne de "lega"
arroncada bestiamine.
Motivu e sas tragedias funestas;
su famine. Custu a cumbattere
servin cussenzias serias e onestas.
Tue ch'às imprimidas in carattere
virtudes de De Gasperi e de Moro
non zesses
cun azza
de ti battere
prò sos sanos prinzipios insoro.
Ammentadi sas penas de Sardigna!
Mai nde la cancelles dae coro.
Bossi
cun sa "lega" de issu digna
tiad cherrer ch'ispares sos cannones.
Unu monstre de anirnu e de ghigna.
Narali chi:No rumpad sos marrones"
cun criminales d'assassinu istintos.
In Europa tantos miliones
semus cun tegus. Zertos e cunvintos
chi sos graves problema de miseria
non lo resolven
cherveddos istrintos.
Ma pulitica sabia
alta e seria
persuasa chi sos benes mundanos
de ispiritu siann o de materia
sun de totu sos esseres umanos.
Prò los gosare naschidos aposta
biancos
nieddos
gigantes e nanos.
Bastad prò como... A s'atera olta.
Titolo | A UNU AMIGU MINISTRU E S'INTERNU |
Sezione | |
Autore | Francesco De Martis |
Nome | B20030022 |
Anno | 2003 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2003 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |