A SOS TRAMATORES POETICOS

Poetas caros donos - de natura
Bos cheren bonos - pro tesser su pannu
S'est lecca - tessidura - enit su dannu
Vigura-in sa butecca - non ne faghede
Non est omaggiu - cando non piaghede
Si restat senz'ispazzu - in parastaggiu
Che un'istrazzu - chi non dat vantaggiu
Bestir'a gala su giovani amante
Cann ' est mala - sa roba 'e su mercante.

A nou modu custa trama - tesso
ne tenzo brama - de la concluire
Creo - chi bi resesso - a la vinire
Ca m'interesso - e b'impreo - sa mente
Che unu tessidore - intelligente
Vago maglias m'illudo - de s'onore
Concludo - a chi 'est debile autore
Pro lu coperrer su dipintu - mantu
complecadu distintu - bene aggiantu.

Unu mantu tessidu - chei custu
Vat ' a pulidu-non ch'est s' uguale
Bene - conclusu giustu - ispeciale
Robustu-in Ippocrene vatu a nou
Invit'a mi lu faghere - a su prou
Tessidemilu - pro mi suddisfaghere
Tott ' in filu - orzicadu a cumpiaghere
a chie lu cumprennet e l'ammirada
Ca lu tessere attennet - e aspirada.

Mi tesso este - gappotto o gabbànu
Non timo d'Evereste- gelu densu
Ando - lontanu - in cussu situ inmensu
Che sovranu - cumando - dogni arringa
domino - Daulaghiri e Cancincinga
Su tramatore sardu - suta nomino
E senza riguardu - ogn'unu abomino
Ch'andan ' e impiastran - tessituras
S'ammastran - e non han giustas mesuras,

Motto: VIVAT SA SARDIGNA!


SU NADALE

Cando Maria chin Giuseppe andesini
a Gerusalemme sa cittade
pro su censimenti chi fattesini.

radunada tanta umanidade
e logu non b'haiat a dormire
massimu pro sa bassa povertade.

Tanna'han decisu-e tentan de partire
S'agatare podian in su campu
Conca, grutta o istall'a a s'istichire.

Non tenzenne sa notte atter'iscampu,
dopo tantu girare istenne attentos
b'iden a lampa lughe oscuru istampu.

Eccc aria e Giuseppe cuntentos
Ch'agatesin su rusticu retiru
Chi ristoru lis f'it in sos momentos.

Fit su logu niadu tottu ingiru
E in sa grutt'iscaldidos los hada
De s'ainu e cle su oe su respiru.

De mesanotte s'ora est 'arrivada
Chi naschit su benennidu Messia
Dae sa Virginella Immaculada.

Restad'est giusta d'ogni profezia
Ch'annunziesit d'ogni eventu issoro
Supra de cand'est bennidu a

Gasparre, Baldassarre e Melkiore
Benin pro l'adorare da Oriente
E li donan incensu mirra e oro

Una rara cometa risplendente
Lis dat signales giustos e lugores
E indicat sa via a tanta zente.

Iu coronan a Gesu sos pastores
Lu connoschen pro Re universale
E li dan sos precarios onores.

Gos'est bennidu e Cristos su nadale
Già deghennoe seculos passados
In una'grutt'in unu temporale.

E dae tann'a oe son'istados
Avvenimentos suos et esempios
Dae sos cristianos festigiados
Cun sacras funziones in sos tempios.

Motto VIVAT SA SARDIGNA!


A GIAN MARIO MUNDULA

Cau nepode ch'a duttore aspiras
De pius t'illuminet sa mente
S'aria ch'in Anagni nde respiras.

Che convittore bravu inteligente
Magnanimu ti mustra o ti distinghe
In sas dificultades resistente.

Ch'est sa ria 'e s'istudiu ti convinghe
Sa piu chi ti torrat ricumpensu
Pro cussu e la passare ti li accinghe.

Adopera sa manu e i su sensu
Chi son fruttos dintintos chi n'ottenis
Sun de unu valore meda immensu.

Si custu dae prima lu prevenis
Podes benner illustre una persone
Aggiunt'a mai gantos si cumbenis.

Non b'ad prus mezus soddisfazione
In custa breve vida transitoria
Che de lassare montovazione.

D'ogni opera valente istat notoria
E si tue calc'una ne vatere
Eternamente ti cinghes de gloria.

Atera cosa mezus no isperes
Faghe comente has fattu vin'a como
D'ogn'iscola cun lodes la superes.

D'ogni tie ti penso o ti ventono
Torra cust'annu puru dae nou
Chin sa borsa d'istudiu vinta a domo.

Como non poder dare menzus prou
Chei sa borsa vinta comoghiras
Gas'accuntentas forte a tiu dou
Caru nepode ca duttore apiras.

Motto : VIVAT SA SARDIGNA