Informazioni sull'opera
A sa zittadina 'e Othieri.
Ses ridente zittadina
ses ninfa e su Logudoro
ses de Sardigna teroro
cale perla diamantina.
Ca ses fiera e galana ,
risplendes a notte a die
Cantu saludan a tie
Cantu sa zente isolana!
Pares s'istella Diana
imitas sa Matutina
paret chi lughe divina
ti diet primu isplendore
oun su teneru candore
ses ridente zittadina
Cale che tue prejada
chie che tue dechida,
de dignos fruttos frunida
tota vida ses bistada
ca ses tantu invidiada
vida felice t('imploro
e cun umanu decoro
ses cun s'istranzu ospitale
prit'as trattu geniale
ses ninfa 'e au Logudoro
Puru chi non ses zittade
ses vezzosa zittadella
ca ses antiga e novella
ses sorre 'e sa ziviltade
ca signora calidade
lughes che perla de oro
incantan s'ingraiu moro
s'inchinat a su pe tou
rezzis su saludu sou
ses de Sardigna tesoro
Ca ses pomposa e signora
non trascures una ia
sa concisa poesia
canta cun boghe sonora
canta ch'iscultan ancora
de sas musas sa reina
ca de oro una foglina (1)
t'han già iscrittu in Casteddu
a sa nadia de Cubeddu
cale perla diamantina.
Finza sa sublime santa
de su Remediu as tentu
sempre da-e su firmamentu
ti risplendet tota canta
ca has donu, puru e talentu
canta, Othieri, canta.
Thiesi Settembre 1957
Favoreddu Santoru pastore - Thiesi
(1) Allusione a una commemorazione di Cubeddu, apparsa recentemente
nella rivista di poesia sarda sb'Ischiglia".
Titolo | A sa zittadina 'e Othieri |
Sezione | |
Autore | Favoreddu Santoru |
Nome | 1957-92 |
Anno | 1957 |
Argomento | |
Descrizione | |
Lingua | |
Editore | Premio Ozieri |
Contributore | Tecnoservice s.r.l. |
Tipo | |
Formato | |
Fonte | Premio Ozieri |
Relazione | Concorso Premio Ozieri 1957 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |