A sa cittadina de Otieri

Ses dae s'era antiga collocada
a vicinu a sa zona 'e sa Montagna
T'has godidu e des goder sa cuccagna
de un' aria pura raffinada

chie che a tie invidiada
chi Logudoro no hat sa cumpagna
.Fruttos dulzes, ch'has fertile campagna
e dae classe ingegnosa coltivada

Pro chi no sias estesa zittade
ses distinta, ammirada zittadella
ispiju e sorre de sa civiltade

Mama 'e sa poesia pius bella
sustesa cun segnora caridade
Ca s'antiga illustrada, ha sa novella

Cun sa calma festosa senza tediu
festeggiat sa Santa 'e su Remediu.


S'amigu

S'amigu dignu paris cun s'onore
cunservat sa fidele simpatia
ma b'est cuddu chi in s'ora 'e s'allegria
si presentat cun variu colore.
Mentre chi su costante in s'angustia
dividit cun s'amigu su dolore
S'amigu fintu a sa tristura fuit
E—i su giustu e nettu a pes requit.