PODDIGHE A POSTU IN VERSOS PERFETOS
SA CONDIZIONE DE SA ZUSTIS’UMANA
CUN BELLOS SUSPOS SA CUMEDIA MUNDANA
BOCAT A CAMPU TRAMPAS E DIFETOS
SOS DIRITOS PETZI PO SOS CHI ND’ANA
PO CHIE NO D’AT ABBARANT SOS PREZETOS:
ISTA A SA MUDA: GAI NON SI PODET!
JUSTISSIA BE SIET MA IN DOMO NON COLET

ISTUDIAMUS SU DIRITU ROMANU
SU FUNDAMENTU DE SA LEZ’ATUALE
SU CORPUS IURIS DE GIUSTINIANU
NON DISTINGHIAT NE CHIE E NEN CALE
MA POSTOS A UN’ALA GAIO E ULPIANU
BINCHET SU SODDU, SEMPER BENE O MALE
NAT S’AVOCADU: PECUNIA NON OLET!
JUSTISSIA BE SIET MA IN DOMO NON COLET

FATA SA LEZE E ACATADA SA TRAMPA
A CADA MANERA BASTES CHI RESESSAT
ONZUNU LA ZIRAT COMENTE LA PESSAT
SA LEZE DE SU FORTE CHI CUMANDA(T)
IN GIUNGLA EST SU LEONE CHI SI CAMPA(T)
DIEMUS A NARRERE A CHIE SI NDE MESSAT
O PURAMENTE A CHIE SI NDE MOLET
JUSTISSIA BE SIET MA IN DOMO NON COLET



LASSAND’A UN ALA SA LEZE DE SU FORTE
PO SIGHIRE SA LEZE DE SA RESONE
PERO’ CHIE ZUIGAT EST SEMPE PESSONE
E SU DINARE ISPINGHET BONA SORTE
UVE B’AT OMINE B’AT PURU CORRUZIONE
E BINCHET CHI TENET SANTOS IN CORTE:
CUN SANTOS IN CORTE FAGHET SU CHI BOLET
JUSTISSIA BE SIET MA IN DOMO NON COLET

NON FAGHET MANCU A ND’IRMENDARE
DE COMENTE SUNIS TOT’A UNU MUNTONE
INTRIZIDOS CHE ORRUVU E TITIONE
SOS MERES ABBARRANT A PALA A DISINNARE
E IN PALAMENTU, COMUNU E REGIONE
ISCAPANT SOS CATZEDDOS A APPEDDARE
SA LIMBA MAZAT A SA DENTE CHI DOLET
JUSTISSIA BE SIET MA IN DOMO NON COLET