Est sempri Srabadori capumastru,
oi mi bollu ponni in custu cantu
e speru m’’essat bellu po ispantu
ca est incantadori cust’incastru.

De totu is modas issu est su pilastru
po votu ge’ m’apresti e nodas fissu,
de totu is modas su pilastru est issu
fissu nodas e m’apresti po votu,
su pilastru ’e is modas issu est totu
nodas fissu e po votu ge’ m’apresti,
su pilastru issu’e tot’is modas esti
po votu ge’ m’apresti e fissu nodas,
est issu su pilastru’e totu is modas
pren’e dodas intregu su modellu!

Est sempri Srabadori capumastru,
oi mi bollu ponni in custu cantu
ca est incantadori cust’incastru
chi po ispantu speru bessat bellu.

Abertu, musa, m’as cussu cancellu
ma po scusa sa basi bussu incertu!
cussu cancellu musa m’as abertu
bussu sa basi incertu, ma po scusa!
cussu cancellu m’as abertu musa
ma sa basi po scusa, incertu, bussu!
abertu musa m’as, cancellu, cussu
incertu bussu po scusa sa basi!
cussu cancellu musa abertu m’asi
e giuru mancu crasi no m’apollu.

Speru chi m’essat bellu po ispantu
est sempri Srabadori capumastru
ca est incantadori cust’incastru
in custu cantu ponni oi mi bollu.

dongu totu e imoi cantada sciollu
e sa spada ch’eroi pongu in motu,
cantada sciollu e imoi dongu totu
e sa spada ch’eroi in motu pongu,
cantada sciollu e imoi totu dongu
e pongu in motu ch’eroi sa spada,
dongu totu e sciollu imoi cantada
e pongu in motu sa spada ch’eroi,
totu dongu e cantada sciollu imoi
e oi si dda ’ntregu che nu frori.

Oi mi bollu ponni in custu cantu
ca custu incastru est incantadori
speru chi m’essat bellu po ispantu,
est sempri capumastru Srabadori.

Po mimi si ddu giuru est un’onori,
timi su scuru atesti so jaunu,
po mimi si ddu giuru onori est unu
timi su scuru so jaunu atesti,
po mimi, si ddu giuru onori esti
so jaunu atesti a timi su scuru,
po mimi est un’onori si ddu giuru
so jaunu, su scuru atesti, a timi,
est un’onori ddu giuru po mimi
a esprimi sa musa cun crarori.

Est sempri capumastru Srabadori
oi mi bollu ponni in custu cantu,
speru chi m’essat bellu po ispantu
ca est cust’incastru incantadori.

S’at postu gosu, talentu e amori
fradi nostu cuntentu e pretziosu,
postu s’at su talentu, amori e gosu
pretziosu e cuntentu fradi nostu,
gosu, talentu e amori s’at postu
cuntentu e pretziosu nostu fradi,
gosu, talentu e amori postu s’adi
fradi nostu pretziosu e cuntentu,
postu s’at gosu, amori e talentu
in cuss’intentu ancora musa tessat.

Est sempri Srabadori capumastru
oi mi bollu ponni in custu cantu
ca est incantadori cust’incastru
po ’spantu, speru bellu, chi mi bessat.

Funguda, bella rima, issa m’atressat
che prima stella fissa chene duda!
M’atressat rima bella issa funguda
che prima stella, chene duda, fissa!
Rima bella m’atressat fungud’issa
chene duda che prima fissa stella!
Funguda issa m’atressat rima bella
chene duda che stella fissa prima!
Funguda issa m’atressat bella rima
ddi tengu stima e mai s’at oponni.

Isperu chi m’essat bella po ispantu
ca est incantadori cust’incastru
est sempri Srabadori capumastru
in custu cantu oi mi bollu ponni.
Fradi caru, che tui, apu a cumponni
in craru sa bundadi scapu a fui,
cumponni, fradi caru, apu che tui
a fui sa bundadi in parti scapu,
che tui, fradi caru, cumponni apu
a fui sa bundadi scapu in craru,
cumponni apu che tui fradi caru
in parti scapu a fui sa bundadi,
cumponni apu che tui caru fradi
cun dinnidadi intregu custu nastru.

Isperu chi m’essat bella po ispantu
ca est incantadori cust’incastru,
oi mi bollu ponni in custu cantu;
est sempri Srabadori capumastru.

De custu primu imbentu ses un’astru
cuntentu ge’ ti stimu e tres ndi gustu,
ses un’astru ’e su primu imbentu custu
tres ndi gustu e cuntentu ge’ ti stimu,
ses un’astru de custu, imbentu, primu
tres ndi gustu e ge’ ti stimu cuntentu,
ses un’astru de custu primu imbentu
ti stimu e ndi gustu cuntentu tresi,
de custu primu imbentu un’astru sesi
ca dogna mesi ses in su caminu.

Cun Ozieri e Santu Costantinu
Srabadori nd’as fatu, sciu, dusu
e su de tres est custu, adessi in prusu?