M’assinzas sa ‘este
de sa luna caritunda
e sos rajos tessende
chin cristallos a runda
prumissas de afranzos
e fide in dies novas

Ca naschit s’amore
in avrèschitas de mare
ma lu pesat s’andera
de sa jana arva
picande a gropera
s’ ordinzu ‘e sa notte

M’assinzas s’arvòre
de sos gúturos de monte
e su tempus chilliande
sas paraulas de ponte
supra ‘e un’ istatea
chi pesatas non sinnat

Si mi das unu vasu
de proinca sitita
ja gurrit s’armonia
de ànimas froritas
in sos ocros chi contant
un’àteru capitanni