A S'INNAMORADA MIA

Si affannadu sò,
o sò de malumore
e mi enit su tou pensamentu;
ogni pena, ogni affannu,
dai me iscumparit,
comente nue dai su entu ispinta.
Est tantu forte
pro te,custu amore
chi cuntentu mi faghet
solu pensende a tie.
Tottu custu proite?
Ca mi has fattu meda simpatia!
E a tie m'attirada
su carattere tou,
chi a tottu
faghede imbidia.
Amo sa vida si tue m'amas,
l'odio si mi trascuras.
Si t'isco lontana,
ti chirco
comente in su desertu,
una funtana si chircat
un'umbra.
S'iscopu de vivere,
pro me ses tue;
senza s'amore tou,
sa vida mia, pensa chi es finida,
este una vida morta.
Pensami,
rispondemi e narami:
mai des' desizzare
essere de attere:
ma solu sa mia.

SA MODA

Torro a sa terra nadia,
cun su tou pensamentu.
T'incontro e tento
un'asu a ti dare,
ma mi trattenzo:
sas laras tuas
chi tantu inviatajana a sos basos,
sunu tintas
de una tinta ruja azzesa:
timo de imbruttare sas mias!
E sos pilos brundos,
chi isoltos in sas palas,
ti falajana a sa Nazzarena,
ue sunu
chi pius non los bido?
segados dai sa fosciga
e sa moda.
Ue sunt cuddos caros chizzos,
chi umbrajana sos ojos
tuos bellos?
Una riga 'e lapis
bi restada pro signale.
Chi siede unn sogniu
già lu prego,
e in su m'inde ischidare
l'incontrare de nou
comente fidi in su tempus passadu.
Solu gai s'amore,
chi in me est mesu mortu;
torrede de bellu nou a fiorire.

SU PARAGONE

Sò messende,
in d'una die calda de s'istiu:
una sisìa non movet de entu.
Est arri du su sede,
non rezzet mancu a lu leare in manu.
S u suore mi bagnat sa camija
e abbundante mi falat in faccia.
Su respiru affannosu
dae s'isforzu e su tantu tribagliu.
E penso:chie obbligat
sos membros mios a su sacrifiziu?
Este sa volontade,
anima e sentimentu
chi forman cosa sola,
e sos membros obbidini prontamente.
Gai Deus de fronte a s'Infinidu,
est s'anima de tottu s'Universu.
Nisciuna meraviglia,
si su Sole s'attaldada a calare,
pro inchire sa battaglia Giosuè.
0 si su Mare Ruiu,
lassada su passazzu
a sos ebreos chi sun perseghidos
e lu podent passare a pè asciuttu
Sas muntagnas s'aberini
ca s'Autore insoro
est ispirende in Rughe.
Chie est Deus?
Est s' anima de tottu s'Universu!
E s'Universu est Deus.

MOTTO:
Hominé senza esperanza