Astronauti parìami.
Cabaglieri in lanza di fogu,
pieni d'ipàntu,
fa radi da I' archi di l'aria
pa lu cabidannu d'Ozieri.
E v'accudìami in trenu,
in carr'a boi ...
in cabaddu di canna;
cuntrasthendi l'intima cumbatta
sott'a lu cugliettu e la cuibatta.
BEN'ENNIDOS POETAS A OTHIERI:
- E tu cà sei? - poeta!
- E voi, cà sédi? - genti di zilleri.
Para uri.
Prigunti, cu l'occi di la risa,
in un mondu di balchu e di pimpisa.
E noi chi sabìami e nò sabìami nudda.
Ulthimi di l'intorriu nosthru
aggrnma1 anzenu.
Primi i la curiàzza noba.
Pieni d'un subìssu d'amori,
pa la festha chi nò si cumprindìa
si era l'intregu di la fantascenza
oppuru
l'attòpu di la fantasia.
No,
nò z'è parudu mai d'assé l'ulthimi;
soru, chi parìami assintadi
drent'a l'ipàsia,
cumenti fruttura primadìa.
Da la campagna a mari,
da vèiparu a chintari, dugna dì,
sott'a lu zeru di tumaschu
chisthu mondu di pimpisa e balchu
abrìa a cassisìa
cantu di megliu v'éra i la puisia.
E noi, cumenti li viaggianti,
fuggendi da mezzu a la siccagna,
vinìami
a l'occi verdhi di la muntagna.