A S'AMADA

T'amai,m'amas e t'amo,
M'istimas,t'istimaia.
Deo tou e tue mia
Però invanu ti giamo.

Mi negas ogni dirittu,
Ingrata senza motivu.
e allegria m'has privu,
A tortu m'has iscunfittu.
Su coro mi has traffittu
Senza s'ischire comente,
Ditrutt'has tragicamente
Unu nobile ideale,
Ma pro sorte naturale
T'amat,m'amas e t'amo.

te giara avreschida
Ispettaia consolu,
Ma haime chi so solu
Forsi pro totta sa vida?
Ammitto chi presumida
Insistas cun cust'idea,
Tami auditu e ti lea
Cunfortos cantu ti do.
Deo istimendedi so
M'istimas t'istimaia.

Milena troppu retrosa
Ses a sos mios cunsizzos,
Los ripagas cun fastizzos
Pessimamente iscontrosa.
Pianghes pro vana cosa
O in coro has Rentimentu?
Pone riparu a momentu
A su terribile arcanu,
No est chi semus invanu
Deo tou e tue mia.

Diliriante vivende
So penosamente solu.
Cando mai no has dolu
chie ses tantu amende?
T'abbizzas chi so morzende
E–i ea tumba preparas
Ebbia ca no mi naras
Proit'est chi t'addoloras.
M'amas,m'istimas,m'adoras
Però invanu ti giamo.

TORCO


PREGADORIA A SA MADONNA

Vergine Mama in cust'ora agiva
Custu nostru diffizile momentu.
Faghe cun sa Divina forza Tua

Piedosu e deghile ogn'ausentu;
Ogn ' operare e sa mala zenia.
Dà a sos guvernantes su talentu

Pro poder impedire attera ia
Delittos chi ten samben terramare.
Vergine e su Remediu Maria,

No sighes a lassare appedrigare
Atteros fizos de su Deus Trinu,
Ne archibusos lessas isparare

Da—e sas manos de ogn'assassinu.
Custas feras in sa foresta inserra,
Gai tranchigliu ogni zittadinu

Girat liberamente in custa terra
Senza timire sas ferozes sannas.
Faghe chi zesszt prestu custa gherra

A ferru frittu cun peleas mannas;
Cust'attaunzu in forma mudigona
Chi orrorosu colat in sas giannas,

Semenende terrore in ogni zona,
Amalguras,tristuras e piantu.
Sos chi non bochit Deus los perdona

Ca poberittos senza s'Ozu Santu
S ' anima si che giughen a cuddala.
Besti sos buscos de candidu mantu,

E in sas percias,pro ogn ' ora mala;
Improvvisa unu sacru tabernaculu
Cun angheleddos bestidos de

Tottu festende su Divinu oraculu,
Cun cantigos sagrados e intónios
De trumbas musicales de miraculu;

Sonos celestiales e armonios.
Faghe cun cussa musica divina
Paralizzare tottu sos dimonios

Ch'in "Supramonte" han postu raighina.
Tue Vergine Santa e su Remediu
Dà nos riposu in cust'adde mischina

De lagrimas infusta e de attediu.


TORCO


A s'amore hamos dirittu

Pro unu giustu motivu.
Guai s ' essera brivu
De cantu so in apittu:
Tia esser iscunfittu
E morzo tragicamente,
Ma tue sinzeramente
Aggualas s'ideale
Chi pro sorte naturale
T'amaia,ancora t'amo.

Dae te giara avreschida
Tenzo fittivu consolu,
Eo riponzo in te solu
S'ammiru pro totta vida,
T'happ'in su coro impremida,
Ses s'incantu cust'idea.
Mi das cunfortu e ti lea
Carignos cantu ti do
Deo istimendedi so
Comente in primmaria

Tue ses s'affettuosa
Amiga sanos cunsizzos,
Ses de sos mios disizzos
S'appagadora amorosa;
Tue ses sa vera isposa de=
De su meu sentimentu.
Mi pensas ogni momentu
E ti penso fittianu
Sias vicinu o lontanu
Ses tue s'anima mia.

Nde so lontanu vivende
Dae te ma no so solu,
No tenzo pena ne dolu
Isco chi mi ses amende
E si essera morzende
Chi pianghes no mi naras
Ma suffris penas amaras
In segretu t'addoloras
M'amas,m'istimas,m'adoras
Realizzas cantu bramo.
T'amaia,ancora t'amo,
Comente in primmaria,
Ses tue s'anima mia
Realizzas cantu bramo.

TORCO