A Predu Canudu

Pedru
contente fit abituadu

a sa cua


mudu mudu

si ch'est andadu.
Cando su momentu
'e sa dispedida
est arrivadu
a niunu at giamadu;
sos bighinos
in domo sua
mortu l'an agatadu.

In sa cresia 'e santu Franziscu
sos sardos de custu chirru
a moda nostra
a sa muda
s'adiu l'amos dadu.

Pedru

cun tegus
ti ch'as leadu
sos contos de pizzinnia

sos contos de balentia
in Barbagia imparados

sos ammentos de emigradu
de sos annos chi has passadu
cun amigos isolanos
in minieras tribagliende
in birrerias bufende

s'annuentu 'e sa Sardinia
sempere presente.

Pedru

cun tegus
parte de nois puru
ti ch'as leadu.