So emigradu,
girende mundu feri feri,
chirchende su dirittu naturale
in d'unu logu furisteri.
Non connosco a niunu
e non isco a ue mi dare.
A s'improvvisu
ido in s'aera
su sole brillare.
Su coro si m'aberidi
che incantu
e deo m'affido a issu,
ca est s'unica criadura chi connosco,
comente a unu Babbu, domandendeli
chi m'illuminede su caminu
e mi fettada bona cumpagnia.
E totta canta die istada cun megus.
Su sero,
a s'interrighinada,
pro no mi lassare solu,
m'intregada a sa luna nendeli:
ghìalu istanotte,
non connoschede su logu,
est un emigradu dae Sardigna;
cras torro deo a lu leare.
E mi che drommo
abbrazzadu cun sa luna.
Gai appo cominzadu a connoschere
sos males, sas penas, sos dolores
ei sas umiliaziones
de s'emigradu:
solu,
atte su
e ismentigadu dae tottu.