Candu non ci app'essi prus, non mi prangiais.
Non prangiais po chi non torrada,
prangéi po is biius chi andanta
cun disigiu de torrai mellus.
Candu non ci app'essi prusu
non mi sciundàis sa cascia 'e lambrigas,
ca is lambrigas s'inzurpanta is ogus
e accò non si bieis prus in facci.
Candu non ci app'essi prusu,
castiaisi facci a facci
e perdoneddu su biiu, perdoneddu su mundu
chi s'à lassàu cresci che erba maba
in giardinus allenus, appettigaus
de peis indignus
crazaus de crapittas ferradas
luntas'a sudori nostru.
Candu non ci app'essi prusu,
non mi porteis lillus arrubius,
doneddus a is pippius,
chi gioghinti e du su sciollanta
in tottu sa terra nostra
e da bistanta a festa,
po annunziai a tottusu ca su semi è prantau
e ad'a nasciri crasi
si tottusu impari d'ollinti.
Candu non ci app'essi prusu,
izzerriéddusu is altrus fradis
sperdius in d'omnia logu
a circai feri feri, e prazzei
prazzei tottu e tottusu impari.
Candu non ci app'essi prusu,
e is murus de is tancas n'dantessi arrutus,
insarasa su bentu spraxendi in libertadi
m'indad'a imbatt'asuba su semi nou.
Sa terra asuba insarasa non adessi prus grai
e sa tumba puru adessi froria tott'auna
Cando non ci app'essi prusu.