Mi naran
de iscriere
poesias alligras
de cussas
chi achen riere.
Mi diat aggradare
però non d'happo gana
si su coro pianghet
non riene sas laras.
Mi naran
de cantare
un'innu a sa bellesa
de sa Sardigna nostra
tra chelu e mare posta.
Mi diat aggradare
però non d'happo gana
ca cussa terr'amada
ego l'happo lassada.
Mi naran
de iscriere
poesias· d'amore
riccas de isperanzia.
Mi diat aggradare
però dae minore
totta sa vida mia
est fatta 'e dolore.
Mi narana
de biver
chene malinconia
pritte sa vida
est bella
comente si siat.
Mi diat aggradare
però non d'happo gana
dio cherrer chi sa hida
seret già accabbada.