Informazioni sull'opera

TESTO


In custos fenos siccos,
caddos malos de fogu,
curren su palu a fiancu 'e pare.
E i sos chercos chi sempre m'han dadu
pro sas erveghes mias lande e sida,
sun telarzos de fumu e de fiamas
chi faghen de su sole
una luna aumbrada a mesudie.
Caras erveghes mias,
curride fin'a bidda
e peri sas garreras giuilade
e omines e pedras
pro pesare unu muru altu altu
chi a pes suos,
cust'allutt'uraganu,
frundat tristu sos sonnios, marranu.
E bois, «Caribruttu» e «Traitore»,
trazadechelu a paschere,
chena 'asare terra,
abba in fondu 'e mare.
E si m'idides ruttu
subra custos lentolos de chijina,
linghidemi sas manos,
linghidemi sa cara,
forte in ambas orijas m'appeddade.
E i sa majarza 'ezza,
si 'enzerat,
a fele cumbidade.

SCHEDA DELL'OPERA
Titolo Inzendiu
Sezione Poesia Sarda Inedita
Autore Antonio Palitta
Nome  
Anno 1974
Argomento  
Descrizione  
Lingua  
Editore Premio Ozieri
Contributore ATHENA SRL
Tipo  
Formato  
Fonte Premio Ozieri
Relazione Concorso Premio Ozieri 1974
Copertura Logudoro, Sardegna Italia
Diritti Comune Ozieri, Premio Ozieri