Arà paci la sera.
Di la rana
ghja più lentu è lu cantu,
chì un velu di sonnu è illa custera.
E chjusa illa so' tana
riposa dugna fera.
Arà paci la sera.
E arà paci la tarra
da l'umbra presa com'in un incantu.
Ma no socu si paci arà lu cori.
L'occhj chjusi
voddh'aspittà com'un galenu mutu
chi venghja da lu 'entu.
Voddh'aspittà chi dugna pinsamentu
chi veni da li peni di !'amori
molghja come lu caliciu d'un fiori.
Ma cussì voddhu fa, si di la luna
no m'abbria l'occhj lu mirà la spera
vista da sempri e sempri scunnisciuta.
Arà paci la sera.