Permitimi ottieri, chi unu cantu
ti presente cun sanu sentimentu,
preghendedi chi ben'istes'attentu
e de cunsiderare tottu cantu...

Pro dare noa vida a s'impiantu
de ottieri, base fundamentu
a sos ch'onor'e merit'ana tentu.
de sas garas poeticas su antu,

Ottieresos fin'amados tantu
de ingegnu, de geniu e talentu
ch'ancora ios sun'at'ogn'eventu
mancari postos in su campu santu.

A s'istori'han pagginas'aggiantu
cussos'eroes, senza monumentu,
e no est giust'a isperder s'ammentu,
sutta misterios'oscuru mantu.

S'onor'issoro, devet esser frantu,
rispettad'e diffes'ogni mamentu,
ca mi paret intender su lamentu
cun piedosas gridas de piantu.

Tristos si sentin'e umiliados,
da paesanos ribelles partidos,
poi e los'aer de lughe frunidos
los han'intro sa tumba denigrados;

sos modernos, ziviles, educados,
chi sun bene d'istudios nutridos,
han'ignorad'e no si sun sapidos,
chi irriconnoschentes sun'istados,

Cun cussos defuntos onorados,
idolos de Sardigna prefferidos,
pro zertos solu s'abbarran dormidos,
ma pro su restu sun sempr'ischidados,

Sol bios chi si cren d'esser restados,
esploradores de noellos lidos,
non sun'ancor'a s'iscop'arrividos
ca sos cancellos'incontran serrados.

M'auguro chi siant fortunados
de giomper'a sos chelos pius ambidos
in manera chi restenbene idos
e de fam'immortale coronados.

IL POETA
DIANA


SA VIDA

Sa vida l'amant tottu sas persones:
piantas et ogn'esser'animale,
apprezzad'est da tott'in generale,
san'e salva da tristas passiones.

A la viver in bonas condisciones,
si prega vida long'ogni mortale,
su benistare, s'est'universale,
si godin tottu sas soddisfasciones.

Ogni coro chi palpitat, s'abbizzat
cant'est bellu su viver'in comune,
si vida, amore paghe s'eternizzat.

Su viver bene prefferit'ognune,
chi fine mai no appat disizzat,
ch'a morrer non piaghet a neune.

SA MORTE

Frores, fruttos, piantas, trunch'e nae,
razzas de animales a tenea,
ch'istan in mare e in sa terr'intrea:
pisches, belvas feroces, fer'e ae

Cun'abbitantes, d'inogh'e cuddae,
sun sutta postos a sa morte rea,
nobil'umiles, fortes, de ogn'idea,
perin sutta sa barbara piae.

De cantos nd'ad'in s'umana zenia,
neun'e si salvare faghet proa,
sa morte truncat'a tottu sa fua.

Resuscitadu sol'est'un'ebbia
su restu, chi innant'e chi a coa,
morit pro forza sutta s'ira sua.

IL POETA
DIANA


OTTAVA

Ua s'intimu e su coro sun impoltos
custos miseros versos patria mia
brivos de didascalic'armonia
de metrich e de forma puru toltos
sos chin fin bonospoetas sus moltos
Umpari cun sos membros de, giuria
No a prus Utieri esseres bios
Eo piango cun sos versos mios .

DIANA


Cust Otieri nostru beneiuttu
Est da mea seculos ignottu
Serrad in giru in su quasi tottu
che presonori ch'à fattu delittu

S'a Musseradu ,Tramontu e a Littu
aiant bon'in su mundu connotu
a su turismu aiant dadu mottu
fi diventatu preferidu situ

Tre montogios pro dare bonu fruttu
de regalu sa natura
Logu sanu ,climaticu ,perfettu

SoIian'ariosu ,allegru,accuttu
de su turismu s'ideal adattu
pro godere tranquillu ogni delittu