Ninna-Nanna pro un'omine mannu,
a nmnia a nmnare, omme mannu;
prendide sa campana mazore:
Segnore, ancora nessi un'annu,
sett'annos nessi ancora, Segnore.
La carignaia cun sarmentos
de seda e teneresa,
cun budrones de dulchesa
in fozas de oro,
cand'issa fit crabola
chi mi curriat boia ola
e bide in possa fia deo
issu mezus attunzu;
sutt'e pes su mundu
cun issa a fiancu,
prammas de perfessione,
sos meres dess'istajone.
E gai nos cheriat puru
cuddu ch'a manos in chintu
ticchirriaiat dai Roma,
puddedros de forte zenia,
ch'isterridas nachi 'e sole
devimis currer cun isse,
cun aes da' inferru fuidas
de coronas istranzas lambridas.
A degh'a deghe
a chent'a chentu,
bottes a trumba
boghes de tronu,
dai sas binzas de idda:
no fit gherra pro nois fit bentu
'e gioventura e cantones
de rios aundados in monte.
Totoi Su Erre e Pedru Traizellu,
cretendes'in Nurra iss'alzola,
in Russia han balzoladu nie,
nachi fìa maccu a non frimmare inie
chi sutta b'aiat siddadu
e pane poddine appen'iffurradu:
giaga a caminos de Chelu.

E issa,
sa chi carignaia cuss'alenu,
de me molzendes'in gana
hat cussumidu ojos de chera:
est alvure 'e fìgu cana,
duos rattos a rughe
pro m'arrumbare arriadu
de medaglias e frebba,
cun foddes brujados
da' ispinas beladas,
nende chi Cristos so.
Ma si ancora calch'istajone ...
Tancademi sa ventana
no s'accheren dai s'ortu
sos primmos fìores biancos
de mortu:
chelzo fìores de romasinu
in pett'e porcheddu
e tazzas de inu nieddu:
fìn'a trinta né moninca

m'attin né sonnu!
Ninna-nanna pro un'omine mannu,
a ninnia a ninnare, omine mannu;
prendide sa campana mazore:
Segnore, ancora nessi un annu,
sett'annos nessi ancora, Segnore.
Drammi, omine mannu,
a ninnia a ninnare,
omme mannu,
truncu 'e castanza,
zigante ispinosu,
s'ultimu sole 'e attunzu
pro te si calanza',
basu 'e lughe risulanu
ti dad'issu fronte annuzadu,
ti lu dàt cun Crabola.
Mi so deo, so deo Crabola,
sa manu treme treme,
su coro 'e sempre
pres'a tie.
A ninnare a ninnia,
omme mannu,
t'appo ninnadu fìzos
nibidos che lizos,
puddedros de forte zenìa
ch'isterridas de sole
pro nois han semenadu
cun semen de paghe;
drammi, omine mannu,
omine de gherras,
balente in terras
de monte e de acide,

A ninnia a ninnora,
rosarios a Nostra Segnora,
marna de sette dolores,
nadu nd'appo sette:
nessi sett'annos ancora
hat nadu Nostra Segnora!
Ninna-nanna pro un'omine mannu,
a ninnia a ninnare, omine mannu;
prendide sa campana mazore:
Segnore, ancora nessi un'annu,
sett'annos nessi ancora, Segnore.