Terra brujada est custa e d'est bocchende
semen in sinu e brios in sas venas.
Lagrimas cheret? Millas: semenadas
in sa bertula boida, in su cascione
pienu 'e miseria, in sa banca nuda
tra ossos covacados solu 'e pedde '
de 'accas, d'airveghes moribundas.
Dànnos s'abba, Segnore, dànnos s'abba!. ..
Dadu chi non b'ha nues in s'aera
pìgache sas feridas, sos turmentos'
d'ogni pastore: non sun, forsi, nues?
E si non bastat, ca nois semus malos
che lea de sa terra sas .calpidas, '
su piantu de sos ratos isfozidos
sa mutria de rizolos e funtanas
sas bélidas de anzones primadios ,
de sas Mamas sos rànchidos suspiros
e torren a sa terra, fattos abba,
abba serena, limpia, generosa.
Tudden in birde pamentu sas tancas:
bidemus in dogni 'ena, in dogni foza
un'utieddu de su samben nostro, '
una lagrima nostra in dogni pane!