A NUORO

1
Nuoro est elegante ricca e bella
de fertiles campagnas circundada--
gent'amabile cara cittadella
de gente ardimentosa populada
Post'as su Redentore a Sentinella
in s'amena montagna sublimada
chi ti proteget e ti rende
digna sorre de sas cittades de Sardigna

2
Bell'est su panorama de Nuoro
cun su sou incantevole Ortobene
a sos tramontos doradas su coro
restat estasiadu e pensat bene
paret Apollo cun sas trizzas d'oro
carignende sa musa Melpolmene
in s'Olimpu o in s'Eden logu santu
cittade de delizia e incantu

3
Cherzo a Defenus s'istatua fatta
Nuoro che la ponzas in museo
faghe s' eroe cun s' ispada tratta
che Pelide su fizu de Peleo
ponel'accantu a Bustianu Satta
cun sa lira sonante de Orfeo;
a Grazia Deledda insigna puru
in d'unu monumentu imperituru

Lidone


SIENZA

Chinbighentos e deghe miliones
chilometros sa terra ha quadrados
un duos miliardos de persones
circa piùs de omines creados ,
diversas razzas e religiones,
climes torrido frittos temperados
cun animales de ogni genia
e diferentes de fisiononia.

2
Galassias vagantes in s'aera
girende cun manera ispaventosa,
e i sa terra nostra passiggera
fiz de un'antiga nebulosa
-e de su sole s'infogada isfera
nos dat su motu e vida imperiosa,
e pustis tottu cantu s'esistenzia
sa vista e sa potente intelligenzia

Han fattu sos satellites volantes
missiles bene perfezionados,
atomicas terribiles, tonantes
e a canes sos coros innestados
e a zegos sos ojos-palpitantes
in sas orbites benin collocados
e sunu in chilca puru de olare
a sa luna cun manu a la togare

Lidone


A MARIA

1
Vergine Maria
e Mamma de dolore
ch'in Ottieri faghen sa festa

pregali a su Messia
chi cesset su furore.
E sos mannos la timen sa tempesta

su Medi'Oriente
chi torret sorridente
servat de sos umanos sa protesta,

Tue Maria faghe
chi tenzat custu mundu onore e paghe

2
Sumana fratellanza
bisonzat de l'astringhere
de nos poder cumprender in eternu

Lassade s'ignoranza
s'ispada senza linghere
imbrattada de sambene fraternu

tantu sa vida est cara
non faghedas a gara
né s'unu né i s'ateru guvernu

e sas armas de gherra
ponidelas in piccos pro sa terra.„'

3
Lassade s'interessu
e tottu s'egoismu;
ogni cosa transitat in su mundu

Amade su progressu
e foras s'egoismu;
pensade cun criteriu profundu:

it 'est s'umanidade
Un'a s'ateru frade
a faeddare francu, sardu e tundu.

Pensamus deo e tas
chi semus passiggeris che una nue.

Lidone