Eand'e e cosa, si che un astore,
mi potera pesare in altu òlu!
Non pro bocchire calc'ae minore,
prite m'est caru s'anzenu consolu;
ma pro poder, che unu rusignolu,
cantare sa Sardigna cun'amore;
e invece, terranzu, in su chizolu,
isto che unu grigliu cantadore.
Ch'a su cantigu, hat bia passione,
ma, s'intendet appena unu suguzzu,
timende, cagliat sa sua cantone;
e, appena sensadu s'ischimuzu,
azzardat torra, cun suggestione ...
unu - CRI! - chi li morit in s'irgurzu.