Informazioni sull'opera
Pane, ti beneigo ogni momentu,
pro te canto sa menzus rima mia:
ses de sos poverittos s'allegria,
de sas mensas profumu et ornamentu.
Domandamus su nobile alimentu
cando faghimus sa pregadoria:
,;Babbu Divinu, - nende gai a Tie -
dannos su pane nostru 'e ogni die».
In campagna, pacificu et giocundu,
osservo su solerte agricoltore
sa terra trabagliende cun suore
pro b'ispargher su semene fecundu;
pro crescher bene in su sulcu profundu
tottu s'annu lu curat cun amore
et solu est bella s'opera et cumplida
cando lu messat ispiga ingranida.
De sas ispigas cumulos de ranos
si formant et trasportant in granale;
de sas massajas in espertas manos
passat su preziosu cereale:
faghent pane a malaidos et sanos,
si nde cibat ogni essere mortale,
poveru o riccu, in reggia o in tuguriu
solu su pane est su bonu auguriu.
Pane, ti miro in banca preparadu
cando Cristos fatt'hat s'ultima chena.
Isse t'hat beneittu et cunsacradu
misticu cibu a s'anima serena.
S'attu divinu est sempre rinnovadu
in ogni parte 'e s'isfera terrena:
Pane Cristos in s'Ostia diventat
et pane anima et corpus alimentat.
Su pane aberit de chelu sas vias
a chie pro limusina lu donat;
su pane rinnovellat energias;
su pane a trabagliare ognunu ispronat;
senza su pane has chentu maladias,
senza pane sa vida ti abbandonat;
- su pane - tottu domandant cun brama
fizos et fizas a babbu et a marna.
Pane, t'esalto et beneigo ancora:
tue su cibu ses pius elettu:
t'appant in vida fin'a s'ultim'ora
sos chi che deo t'hant sacru rispettu;
lu prego a Deus et Nostra Signora
chi mai nde restemus in difettu·
De vivere in su pane est s ' i s p e r ~ n z i a :
Deus donalu a tottu in abbundanzia.
Titolo | Su Pane |
Sezione | Poesia Sarda Inedita |
Autore | Agostino Pirastru |
Nome | |
Anno | 1957 |
Argomento | |
Descrizione | |
Lingua | |
Editore | Premio Ozieri |
Contributore | ATHENA SRL |
Tipo | |
Formato | |
Fonte | Premio Ozieri |
Relazione | Concorso Premio Ozieri 1957 |
Copertura | Logudoro, Sardegna Italia |
Diritti | Comune Ozieri, Premio Ozieri |
Analisi del Testo |