A NOSTRA SIGNORA DE SU REMEDIU
DE OTIERI

Otieri bella e altera
chi sese ornada de incantu
dae sa pianura a sos montes:
ses terra de poetas famosos,
de Cubeddu e de Pirastru
chi t'esaltan e ti onoran
cun cantos puros e fortes.
Ma de tottu sa prus bella
est s'istella de s'Aurora
de Otieri giamada
de su Remediu Signora,
chi sanat d'ogni angustia
de sos chi invocant clemenzia
cun amore e umilidade.
Mai issa ha negadu azzudu
a su malaidu e a s'afflittu
a su poberu e a su riccu
a s'onestu c a s'assassinu
a tantos isfortunados
e a tottus sos malassortados.

Ascurta, o Mama de amore,
su mundu est tottu cambiadu:
s'atomica hana imbentadu
po si distruere a pare.
De su mundu sos regnantes
sunu tottu affainados
ordignos a fabbricare
maleitos e infernales
e accantonana sas ricchesas
po custos esperimentos.
Su mundu, o Mama est bivende
de cartuccias e de bombas
de cannones e de ispadas.
Su mundu amat sa rovina
amat sa morte violenta
amat su grande delittu
de sa propria distruzione.
E a custas metas s'ispinghente
cun disizu e voludade
creinde de diventare
croicos e immortales.

E po issos sa resone
est una sola: sa gherra
pro usurpare sas ricchesas
de unu prus forte rivale,
e non pensana chi ancora
su mundu est prenu de affannos
chi bat pizzinnos e mannos
chi patinti famene e frittu.
Pone tu frenu o Signora
a custas cosas ingratas
Tue chi giamada sese
de su Remediu Signora.

(Michelina PULIGHEDDU)