AMICA NOTTE

Cando falat sa notte,
unu raju de luna
intrat in s' apposentu
e fachet de prata sas cosas,
sa luna de su tempus meu,
chene predas e piughere.
Ammentu de un'amore innossente ,
fatu solu de ojadas .
Su murmurare de su rivu
contat sos contos anticos
de cavaddos agrestes
e zovanos balentes,
chi ucchidiant solu
pro difender s'onore.
Paragulas arcanas,
chi cumprendo ego solu,
mi vattit sa voche de su ventu
cando jocat chin sas fozas.
Sa notte,
in custu mundu de turmentu,
isparghet su mantu 'e sa piedade
supra 'e tottu sas cosas,
poi mi regalat su sonnu,
lezeru
che una manu de marna
chi mi carignat sa vronte
e, lenta,
mi beneichet.
Est notte,
bezza,
riposa.