ROSA 'E LAMPADAS

Su 'entu tramuntanu
tue seduis
in jambu 'e no t'iscarpire
li das ruffiana intesa
e cando iscutta solu
'e mè t'impignas
dubiu m'enit
d'aer serzente sa zertesa ...
Calarighe espressidu 'e bellesa
tue amas piùs su tempus
padronu 'e tou apparessire
'eo ateru calighe sò
s'urtimu
'e tritzios appartados
da-e una tua sillaba consumados.
Rosa 'e lampadas
solu su sole est eternu
e cando su tempus
immortale e indiferente
ti mutat s'ambradu aspettu
ti ritirat sa gloria ...
It'est
unu diamante chena lughe?
Indechida galanza 'e carvone.